Terrace in seaside (時代廣場)

营业中

休息中

Terrace in Seaside 間中都會轉新Menu，今期有當造嘅蟹肉主題，仲有好吸引嘅提子窩夫，今次就去咗佢地銅鑼灣時代廣場新分店試吓。一樣都係以木系裝修為主，環境清新舒服，亦有不少卡位。🔶啖啖蟹肉千層麵呢個千層麵好足料，層次分明，每層都包住蟹肉、肉醬、蕃茄等，每啖都好豐富美味。🔶韓式奶油排骨鍋排骨份量幾多，炆得好入味，食落有少少辣幾惹味，仲有年糕同粉絲。🔶明太子蟹肉飯卷 飯卷夠扎實，上面放滿明太子醬、 蟹肉、蟹籽，食落口感有層次，味道微微辛辣鹹香。🔶值得一提芬芳提子窩夫🧇超正勁多提子 ，香印提子香甜，窩夫🧇厚厚的焗到外脆內鬆軟，配埋cream食好正。🔹帶點驚喜的香印提子奶蓋綠茶奶蓋綿密，綠茶清香，再加上香甜嘅香印提子，仲有啲啫喱，飲落去好豐富。🔹濟州柑乳酸梳打飲落甜甜酸酸，很清新解渴。