新派韓食館 (已結業)

經常同姊妹飲飲食食, 今次終於到男友啦, 估唔到第一次周年紀念唔係食西餐, 我都好Surprise! 佢話我之前同姊妹黎食咁多次, 佢都想黎食, 所以一早黎排定隊拎籌再接我~所以我唔使等就有位了, 多謝你呀 今次用佢部傻瓜機影相, 可能冇咁靚, 請見諒 佢知道我鐘意食鮑魚, 所以叫左好多隻! 同中國鮑魚比韓國鮑魚甜D, 同埋冇咁重獻汁味, 而且有嚼勁多D, 唔會太軟叭叭, 切好左一片片就好方便夾, 一啖食一塊, 幾好味呀!令人很多回憶的懷舊便當盒, 記得第一次我地去旅行就係韓國啦! 因為大家定左目標要儲錢, 所以一定要慳! 於是果時就叫左呢個懷舊便當盒, 搖一搖就會自動番熱, 跟住就可以食囉! 雖然材料好簡單, 都係腸仔, 紫菜, 雞肉同蛋, 但味道卻係好上乘的, 仲勾起好多旅行回憶呀!香菇泡菜牡蠣粥又係令人懷念既便當, 記得係韓國最後1日食滯左, 佢特登搵左一間食粥既小店一齊食左一碗粥, 果碗粥好溫暖, 亦好甜, 令我地慢慢恢復...SISTER個粥好食因為佢地個蠔幾新鮮又多, 而且冇乜味精, 成碗粥好鮮味, 好好味~