新麻蒲 BBQ (大埔超級城) (已結業)

今日同朋友去大埔食lunch，想食韓國野，行下見到新麻蒲 BBQ,又見幾多正評，同幾多人就去試下啦。餐廳有分散叫，包主菜同飲品，午餐都有唔少選擇，有韓燒、定食。我哋揀咗個兩個一人韓燒套餐。店家會親手為客人倒蛋漿，配上泡菜，形成爐邊蛋，有驚喜，辣辣地好惹味，仲有大大碟唔同種類既配菜，汁酸酸甜甜咁都幾開胃。我地叫左一個豬肉套餐，一個豬／牛套餐，牛肉都幾多，而且啲牛肉仲好嫩，另外啲蔬菜都好新鮮，唔錯，豬肉質鮮嫩，豬味濃郁，一口咬落去肉質鮮嫩多汁，一食肉汁湧出來，非常好味，配埋個白飯一流。飲品就叫左柚子蜜，味道正常，唔會話好甜。最後埋單都只係二百幾，算係性價比高。