小火焰韓式咖啡廳 (觀點中心) (已結業)

今日追追下韓劇，突然好掛住韓國，實在太耐冇得去旅行…好想食炸雞🥲 近近地去左觀塘一間韓國菜一解口癮。位置係過左OPC，觀點中心嘅上一層就係。進入之前職員幫我地噴消毒酒精，非常衛生。我同朋友二人叫左個蜂蜜提子脆米炸雞、醬油蝦配糖心蛋手握紫菜飯、巨峰乳酸特飲。🥢醬油蝦配糖心蛋手握紫菜飯好快就上左枱，醬油蝦非常入味、有蝦膏、味道好鮮甜!! 連埋手握飯一齊食好滋味！糖心蛋熟到岩岩好，記得沾埋醬油一齊食😋。🥢然後就係蜂蜜提子脆米炸雞。炸雞表面淋上左蜂蜜、上面黏左小小脆脆、仲有D提子乾。依個組合我第一次見…好有創意而且係好食嘅！半份份量兩個人好夠食啦。表皮炸得好香脆，香甜嘅蜜糖味令人想一啖接一啖。食左禁多野，飲啖𡶶乳酸特飲解下膩先，野飲甜度適中，表現高於出面其他同類餐廳嘅水平。真心推介俾想食韓國菜嘅大家！