SUN HARU (順寧道) (已搬遷) 新店位置

疫情下本身無得去旅行，而家夜晚放工都無得出街食飯，好彩都仲有好多好野食，叫做食下好西離補一下，而且全日外賣仲有八折，認真抵食。補無骨炸雞$98韓國菜之中韓式炸雞係我最愛之一，半份炸雞份量已經好多，每件雞炸得外脆肉嫩，表面沾上芥末蜜糖醬，甜得離帶輕微芥末味，十分可口，只少兩個人share先食得曬。五花腩炸醬麵$78原來韓式炸醬麵同港式分別好唔同，反而同北京炸醬麵相似，帶甜味既醬汁配上五花腩、薯仔等配料，油麵沾上醬汁，彈牙有咬口。五花腩泡菜炒飯$78大量五花腩片加上泡菜及紫菜炒飯，帶微辣，十分好味，絕對推介。