點咗佢哋幾款人氣 Toast 同飲品，首先講下薯泥燒肉起司捲餅，香氣四溢，外皮煎得微脆，入面係綿滑薯泥配上厚切燒肉同溶化芝士。薯泥好滑，燒肉鹹香入味，芝士令味道更加濃郁，每一啖都好 Juicy 同惹味，熱辣辣食落去真係好滿足。
芋泥肉鬆蛋吐司啱晒鍾意食甜中帶鹹嘅人，芋泥香而不膩，肉鬆香脆又惹味，加上滑蛋中和返整體口感，好有層次感。
1
韓式燒牛五花味道濃厚，牛肉煮得啱啱好，脂香滲出嚟但唔膩，配上微甜嘅韓式醬汁，夾埋吐司好入味，肉質仲帶啲彈牙感，好正。飲品方面，我叫咗芋圓波波芋頭奶同黑糖珍珠烏龍奶茶。芋頭奶香氣濃郁，飲落去有自然嘅芋頭甜味，唔會太膩，芋圓 Q 彈煙靱，珍珠都有黑糖味，冰度甜度都可以自選，好貼心。另一杯黑糖珍珠烏龍奶茶熱飲版本都唔錯，茶底香得嚟唔苦，黑糖味平衡得啱啱好，啖啖香滑。
1
1
