炑八韓烤 (已結業)

之前去九龍城分店食過，今日又去下尖咀個間先。二點半至五點又係下午茶時間，都係$48，仲免加一，十分抵食！每個套餐都有前菜-泡菜、芽菜和海帶湯。加$6有餐飲，試下柑橘特飲和奶茶，食辣野真係要飲返杯特飲歎下，柑橘味好清新，可以解辣！小食仲包魚糕串，個汁好惹味，令到本來淡淡的魚糕更好味。下午茶都冇將貨就價，芝士年糕大蜆拉麵好大碟。除左topping有芝士碎外，食條年糕先發現內藏芝士，原來呈腸仔形的年糕同傳統年糕大有不同！大蜆和魚片都有不少，個汁太多，雖然已減辣，但係都係好辣，流住鼻涕都食晒個麵，真係幾好味！鐵板泡菜芽菜豬肉飯超大份，似pepper lunch 個種，自己將D餸mix埋一齊。好多餸，唔夠仲可以加前菜D泡菜入去食！加$15有蜜糖年糕炸薯條，有雙色芝士年糕，蜜糖可以再多D，食到底，薯條冇蜜煻。