小火焰韓式咖啡廳 (觀點中心) (已結業)

近排都係觀塘返工，最鍾意就係返觀塘放工係觀塘實在太多美食，無論想食咩啊喺公司附近都有好多選擇。今日同事話想食韓國嘢，我哋近排都去呢間小火焰韓式咖啡聽。餐廳地方雖然唔大，但係食物嘅質素同埋選擇都非常之多。韓式烤肉特選美國牛板腱牛小排 188元，牛小排係即叫即燒，仲要係自己燒，自己控制個火候咁啲牛肉就啱啱好，牛小排肉質比較嫩滑，牛肉味香濃。牛板腱牛肉味重，脂肪比例均勻，食落去牛肉味更加香。放上鐵板10秒左右已經可以食得，另外餐廳會提供三個醬汁，我最鍾意加少少韓式辣醬，少少辣令到味道層次更加豐富。青蘋果熱情果梳打，味道幾清新，熱情果味道香甜，最啱熱辣辣嘅天氣，真係好解渴又清涼。三色雪糕窩夫 88元，賣相好吸引，三件窩夫+3個雪糕球，朱古力味香濃，芒果味甜甜地，窩夫做到好香脆，仲係熱辣辣，用窩夫配埋雪糕一齊食真係又熱又凍，口感好特別。最緊要佢唔會太甜，好適合我。收工喺度食啲嘢，放鬆一下同同事傾吓計都係一個享受。