阿里郎熱狗棒 (已結業)

一直聽聞阿里郎熱狗棒係韓國其中一樣最值得試嘅美食，今次終於有機會啦，仲要叫埋好此道嘅朋友一齊試添！😘🤪我地總共叫左兩個套餐，加埋有七條熱狗棒，真係好抵食！🤤先要介紹水牛芝士拉絲，不但好巨型仲要好重嘅水牛芝士味，食落口超有嚼感，仲可以拉好長嘅拉絲，味道同視覺享受爆燈！🥳🤗另外仲有芝薯拉絲熱狗捧，有一粒粒薯仔喺面，炸得金黃香脆，芝士溶喺捧度，亦都可以拉絲食，非常煙韌！😋😋另外不得不介紹佢嘅薯條鴛鴦芝腸，熱狗棒外面佈滿炸薯條，裏面仲有滿滿拉絲芝士，熱辣辣超美味！😛同埋佢提供咗多隻醬俾我哋選擇，例如有蕃茄醬，芥末醬等，同熱狗棒配搭上嚟真係好夾！👍👍我朋友話要叫埋魚糕，果然無叫錯！熱度剛好，加少少辣飲埋啲湯全身暖笠笠！😋🤭除咗阿里郎棒，呢度嘅韓式年糕都好正！同熱狗棒一樣都好有口感，韓式年糕真係無得輸！😚另外仲送多2杯飲品，我哋叫左提子同桃味梳打汽水，清吓熱氣又解渴！😋