阿里郎熱狗棒 (已結業)

旺角站📍阿里郎熱狗棒-呢個小食最令人諗起係韓國🇰🇷嘅日子🥲幾時可以去旅行😩熱狗兩件+紫菜包飯套餐（$100）熱狗要左雙重芝士拉絲同芝薯拉絲，雖然係外賣，但係都忍唔住係車度食返條先😋雙重芝士拉絲d芝士真係好邪惡，熱辣辣一炸起食岩晒😂可惜掛著食唔記得影。芝薯拉絲就不過不失。紫菜包飯本身係暖暖地，返到屋企食口感都ok，餡料有腸仔、蛋、黃蘿蔔、菠菜等等。阿里郎熱狗（$28）、薯條熱狗（$32）薯條熱狗好正😍雖然冇芝士，但係薯條同腸仔係perfect match😋阿里郎熱狗正常發揮。所有熱狗都係即叫即炸，熱辣辣好滋味，不過食完有啲熱氣，飲返支apple cider下下火🍻芝士球五粒+炸薯條組合（$40）芝士球好鬼大粒😂食一粒都飽飽地，比較膩🧀薯條都係正常貨色，不過如果喺嗰度食就會更加好，因為可以加埋芥末醬或者其他醬汁，如果拎返屋企就只可以加茄汁😆整體黎講，買4條熱狗都係高估左自己😹食1條都飽飽地😹同埋呢d街頭小食真係要襯熱食，凍咗個口感差好遠。