阿里郎熱狗棒 (已結業)

旺角行完街好肚餓，經過呢間想試好耐嘅韓國小食店，決定試吓個熱狗。店員好好人，見我地望住餐牌猶豫咗好耐，介紹左個好抵食嘅熱狗炒年糕套餐。套餐$58，包一個熱狗，一小份玫瑰炒年糕，同飲品，可以試多兩樣嘢，又唔怕太飽。我揀咗鴛鴦熱狗，入面一半是芝士，一半是腸仔，一次過試到兩款味道😊 熱狗落單後即炸，熱辣辣，加上少少糖調味，食到一半，我加左少少茄汁同埋芥末，反而覺得唔係咁夾，淨食已經好好味😋另外嘅玫瑰炒年糕，可能因為加了忌廉，醬汁顏色粉紅色，顏色好靚。加了忌廉令到醬汁好香 又唔會太辣，我好鍾意。飲品因為有套餐關係，我點左最貴嘅西柚Soda，酸酸甜甜非常解渴。食完之後覺得好好味，另外買左一個大套餐返屋企比屋企人試下。店員真係好好人，見我要影相打卡，仲幫我擺位。套餐$120，包兩條熱狗，一條年糕香腸串，三條churros😇最鍾意係年糕香腸串，年糕外皮炸到好香脆，入面煙靭，趁熱食一定好好食。