田浦食肉

营业中

休息中

已經係第二次朋友提議黎呢間佢形容好有氣氛嘅韓式烤肉店 今晚就還佢心願，的確又真係好似去左韓國食咁。全店以黑色爲主，門口－排全部都係後生仔女，知道要walk-in 冇得book ，拎左個用飯勺代替既號碼牌（好funny) 問佢嗌到幾多號，佢話random, 以為要排好耐, 點知轉個頭就到。🤩🤩surprise 韓國侍應 唯有用英文/普通話交流，兩個人食嘅份量有限，只係叫左個烤豬肉set （$450）同埋雞旦羮（$88）因為我本身都麻麻哋食咁多肉，不過又想陪朋友試吓，都係多啲人黎可以試多啲野。基本上ok既，有專人服侍，戴哂口罩全部都似靚仔靚女oppa, 又冇乜油煙味係爭在我哋兩個都唔飲下燒酒，爭左少少。雞旦羮呢⋯其實係蒸水蛋結實版，又係朋友喜歡吃呢類型嘅旦料理，查實lunch我哋已經食左個類似嘅西班牙旦餅😅坦白講$6xx我唔會選擇食呢類型，不過試吓都無防。