皇帝雞 (已結業)

呢間店想試好耐，但真係好難夾到時間佢開門😳。因為7:00前已賣完關門，我放工後已太晚，星期六、日又好少特登出深水埗😅店舖位於西九龍中心頂層美食中心，方便易搵，但我覺得西九龍中心座位不舒服，所以選擇外賣邊行邊食😌餐牌甜辣味炸雞(小)$35表面有花生碎，附送了2條年糕，幾有咬口煙韌。雖然係小碗，但炸雞份量很足，有成8-10件。味道方面，甜辣味不算辣，醬汁沾滿雞件，很夠味，味道果然和韓國吃的相似。我一個女仔午餐買來吃，食到尾已經飽，建議2個人分享。