新麻蒲 BBQ (東港城) (已結業)

星期日同老公去咗將軍澳東港城行一田，人山人海，行完見到新麻蒲bbq好多人等位，即刻上openrice睇下d食評，見到有好多好評，所以都排埋一份，等左半個幾鐘先至有位。入到去好肚餓，但由於同老公要減肥嘅關係，所以唔食燒肉同埋澱粉質，但係都想食d好味嘅野，所以就揀左海鮮火鍋，足夠兩個人食。首先上左3碟前菜，個海帶好正，酸酸味味，好啱食，我哋添食咗3次。泡菜都好味，添食咗2次。個海鮮火鍋有蝦、蟹、蜆、青口、豆腐同埋大量蔬菜，個湯底好正，應該係泡菜味，味道濃郁，唔似落左味精，但都好夠味， 而且仲辣辣地，好啱我胃口，我足足飲左5碗湯先夠喉，如果個鍋有埋粉絲真係不得了。2位火鍋要$248加一，如果有包埋野飲就好啦。