影片
更多
2023-05-29
22 浏览
今日行經長沙灣，見到依間韓式餐廳既裝潢好特別，俾佢吸引左。一入門口就會見到佢哋嘅小澡堂打卡位，仲有每個座位嘅牆身都裝咗鏡同花灑頭，好特別。裝修好似韓國嘅澡堂，滿滿既韓風，好有韓國嘅感覺。我地叫左個套餐再加部隊鍋。🔹🔸🔹🔸🔹🔸🔹🔸🔹🔸🔹韓式豬肉包菜套餐 $376見到晚市套餐都幾抵，除左有豬肉包菜，仲有半份炸雞同兩杯野飲。加多$38仲有多個牛角酥窩夫。主角豬肉包菜一大盤，仲有好多款配料，包括生菜、紫蘇葉、紅葉、蒜片、青辣椒和蘿蔔絲。肉片薄薄地，豬肉肥瘦適中，連埋膠原十足嘅豬皮，但加埋D配料，再點上自家製甜辣醬，夾埋一齊食口感好豐富，亦唔會令人覺得肥膩嘅感覺。炸雞半份呢個餐既炸雞可以自由揀口味，我地揀左雪花芝士味，真係每一舊都食到好多芝士粉，炸雞都炸得幾酥脆，肉質都嫩，食落有甜甜地嘅芝士味。藍柑橘白桃梳打特飲漸變層做得好靚，好岩打卡，都飲到白桃味，酸酸甜甜。西柚梳打特飲同樣地顏色好靚，佢嘅味道幾好飲，好香嘅西柚味，又唔會好甜！🔹🔸🔹🔸🔹🔸🔹🔸🔹🔸🔹韓式牛肉部隊鍋 $268韓式牛肉部隊鍋配料好豐富，賣相都幾靚，肥牛整到玫瑰花狀，配料仲包括有：辛辣麵、厚切午餐肉、洋蔥、腸仔年糕串、泡菜、茄汁豆、
🔹🔸🔹🔸🔹🔸🔹🔸🔹🔸🔹
韓式豬肉包菜套餐 $376
見到晚市套餐都幾抵，除左有豬肉包菜，仲有半份炸雞同兩杯野飲。加多$38仲有多個牛角酥窩夫。
主角豬肉包菜一大盤，仲有好多款配料，包括生菜、紫蘇葉、紅葉、蒜片、青辣椒和蘿蔔絲。肉片薄薄地，豬肉肥瘦適中，連埋膠原十足嘅豬皮，但加埋D配料，再點上自家製甜辣醬，夾埋一齊食口感好豐富，亦唔會令人覺得肥膩嘅感覺。
炸雞半份
呢個餐既炸雞可以自由揀口味，我地揀左雪花芝士味，真係每一舊都食到好多芝士粉，炸雞都炸得幾酥脆，肉質都嫩，食落有甜甜地嘅芝士味。
藍柑橘白桃梳打特飲
漸變層做得好靚，好岩打卡，都飲到白桃味，酸酸甜甜。
西柚梳打特飲
同樣地顏色好靚，佢嘅味道幾好飲，好香嘅西柚味，又唔會好甜！
🔹🔸🔹🔸🔹🔸🔹🔸🔹🔸🔹
韓式牛肉部隊鍋 $268
韓式牛肉部隊鍋配料好豐富，賣相都幾靚，肥牛整到玫瑰花狀，配料仲包括有：辛辣麵、厚切午餐肉、洋蔥、腸仔年糕串、泡菜、茄汁豆、雞蛋。仲分開一包辛辣麵調味粉同雞蛋，可自由調整份量。
我特別喜歡厚切午餐肉同年糕，年糕好煙韌，午餐肉夠厚片口感十足。湯底方面，入口濃郁有泡菜味，鹹度適中，香辣可口，麵條都好彈牙。整體份量十足，感覺可以3-4人就都夠食。
🔹🔸🔹🔸🔹🔸🔹🔸🔹🔸🔹
炸甜薯拉絲芝士條 $58
原本想叫炸韓式午餐肉條，不過唔見有，就點左呢個炸甜薯芝士條，中間係甜薯蓉，包住一層芝士，食落去有拉絲效果，外脆內軟，薯蓉亦都好清甜，軟軟糯糯，好食！
🔹🔸🔹🔸🔹🔸🔹🔸🔹🔸🔹
法式焦糖燉蛋韓式牛角酥窩夫$58
焦糖燉蛋好Creamy，好有蛋香，面頭嘅焦糖燒到脆脆，好味～
🔹🔸🔹🔸🔹🔸🔹🔸🔹🔸🔹
Tiramisu 韓式牛角酥窩夫$58
tiramisu味係有埋一條浸過咖啡酒嘅手指餅，口感綿密，味道帶咖啡嘅甘澀，食落去就唔會好漏。
🔹🔸🔹🔸🔹🔸🔹🔸🔹🔸🔹
總結︰呢間餐廳嘅食物質素真係唔錯，而且食物款式好豐富，份量都好大，岩晒一大班朋友出嚟聚餐。性價比真係非常高。重點係，好多打卡位，岩晒鐘意打卡既朋友仔。
张贴
