2DP (已結業)

今日又去番2DP食晏啦，2DP位於厚福街，其實要去食，真係超方便。雖然店舖唔係超大，但光線充足，感覺好舒適。韓式泡菜芝士漢堡配蕃薯$88就係食晒2DP出既所有漢堡啦，但今次依個漢堡先係我至愛。漢堡包望落大件，食落幾飽肚嫁。麵包好鬆軟，仲有包香，漢堡扒餡有萢菜，而漢堡扒上又有泡菜，只係酸左少少，好食又辣辣地，好惹味。蕃薯切到好粗，有少少甜，都幾好。食埋一堆油膩食物，注重健康既我，要食番個沙律先得既。沙律菜好新鮮，夠晒爽脆。