啤啤Bear韓國包車 (已結業)

係諾士佛台HH完，同事俾廣告牌上嘅啤啤吸引咗上去一試。一上到去已經尤如置身韓國街頭，仲有超大隻啤啤喺門口恭迎客人，可以邊影相邊等位。餐廳裡面更加吸睛，除咗霓虹招牌外，仲有跳舞機，籃球機同遊戲機做裝飾。餐廳燈光故意調暗，有種入咗機鋪邊玩邊食嘅感覺。大家都自然放鬆心情，興奮熱鬧氣氛十足，而且仲每個角落都啱曬打卡影相留念。今次叫咗最受歡迎排行榜嘅爆芝River甜辣炒雞x小章魚（$68），連一個烏冬，超大份，四個人食都夠哂食。唔夠喉嘅話，仲可以加$8 升級，就可以全枱人無限食彈彈韓國烏冬！秘製醬汁爆炒兩款材料，加埋勁多芝士，超邪惡。另外推介可加$10/份既生菜包包住食，又係另外一番風味。另外見到隔籬枱叫咗個好吸睛既沙冰。原來係每日限量發售既甜蜜蜜糖葫蘆 X 夏日清爽青提沙冰（$138）。脆卜卜青提糖葫蘆襯埋青提沙冰，秒速解辣。泡菜海鮮煎餅（$138）；開心share拼盤（小）（$88）；Butter x Garlic無骨炸雞；所有食物都非常大碟抵食，打卡必選！兩杯飲品 This Summer （$58）同熱情果梳打（$42）。賣相吸引。鍾意飲酒嘅朋友，韓國Terra啤酒 買2送1。另外推介最新