Tom N Toms Coffee (已結業)

今日系荃湾返工，意外发现左呢一间主打韩式食物既 Cafe。除咗Cafe一定有嘅咖啡之外，仲有唔少沙冰同特色嘅韩式饮品。我同同事嗌左一人一杯饮品，分别系接骨木花伯爵茶同甘薯鲜奶。我唔想饮太甜腻既饮品，想拣啲清新小小嘅，呢两款饮品就岩晒我心水。我自己就偏向钟意甘薯鲜奶，呢度既甘薯鲜奶系我饮过最好饮嘅一间。甘薯鲜奶唔会好甜，兼充满既甘薯香气，饮落去唔会觉得好「假」，系天然既甘薯味，鲜奶同甘薯两样野好夹。而接骨木花伯爵茶再order少甜就岩岩好，味道好清新，兼有茶香，几特别既味道，平时都好少可以饮到。呢度除咗焗意粉之外，仲有吐司同埋pizza。我地就一人点左一款薄饼，特别系忌廉粟米牛肉薄饼同墨西哥鸡肉薄饼。一见到即刻心心眼，因为我最钟意就系呢款薄脆嘅饼底，咬落去脆卜卜。忌廉粟米牛肉薄饼铺满香甜既粟米🌽，而墨西哥鸡肉薄饼个酱汁就再浓啲，惹味啲。而且呢个价钱都尚算几亲民，分量亦都几足，一至两个人食都冇问题。