影片
住喺荃湾，好多时都会想揾一啲静静地嘅咖啡厅去做下功课温下书。自从呢一间Tom and Toms韩式Cafe开咗之后，我就好少再去其他大型连锁店。呢度嘅装修同韩国嘅咖啡店好相似，始终佢都系一个韩国嘅品牌。墙上面系一啲卡通吐司嘅图案，因为呢一间Cafe其实主打系食佢嘅特色吐司，不过今日我哋两个都唔肚饿所以就冇食到。今日同朋友坐喺度一齐做下野，我哋一人叫咗一杯嘢饮同埋叫咗两件蛋糕一齐share。我饮嘅系水蜜桃冰茶，而朋友饮嘅就系草莓乳酪沙冰。另外叫咗两件蛋糕，一件系咖啡芝士蛋糕，令一件系红丝绒蛋糕。喺度特别想赞下呢件红丝绒蛋糕，因为香港有好多地方都有做呢件蛋糕，但系呢一度做嘅系最贴近我喺外国食过嘅口味。主要系佢蛋糕嘅质地，我唔系太钟意太湿润嘅蛋糕，而呢一度嘅蛋糕系食得出有一粒粒嘅质感，但系又唔会太干。所以，大家其实平时去咖啡厅都唔一定要成日去大型连锁店。好多铺头其实都有咖啡饮又坐得舒服，依如呢度
继续阅读
朋友就嚟生日，约佢食个便饭顺便庆祝，拣咗韩国人气咖啡店TOM N TOMS COFFEE, 有一流饮品又有即焗小食可以当lunch，坐得又舒服🤗饮品首先到,甘薯鲜奶$39 泡沫打得超幼细，充满紫薯味道，冬天饮真系好match;热朱古力$39 直到靓到唔舍得饮，一幅画❤️好浪漫💕味道香浓，难忘。蜂蜜芝士吐司$57 ，睇相就知有几芝士啦😆加埋蜜糖咸咸甜甜好好味👍 蒜香忌廉烟肉意粉$49 蒜味香浓，唔太咸，份量ok;芝士焗韩式饺子$32 菜馅料好味，皮厚薄适中，如果芝士可以再多d更好；今餐朋友仔食得好开心👏下次经过会再嚟饮杯嘢。
继续阅读
类似starxxxxx 既一间coffee shop，应该都冇人会对佢陌生，都系好多学生系到温书，仲有得usb叉电🤣-1️⃣焦糖忌廉吐司🍞 $57⭐️⭐️⭐️⭐️一向我都对吐司冇乜抵抗力🤣，所以一见到就叫忍唔住叫，焦糖唔算好甜，有小小㶶㶶地香味，忌廉都打得好滑，配上吐司都不同，不过如果有埋雪糕冻冻地，有入口即溶既感觉，就更加好食😋/2️⃣墨西哥鸡肉薄饼 $53⭐️⭐️⭐️水牛芝士好多好满，一淡薄饼都满口芝士，饼底真系做得好薄，配料多到重到个饼底就黎承托唔住🤣/3️⃣ 芝士蕃茄牛肉意粉 $49［满星］⭐️⭐️⭐️⭐️⭐️‼️估唔到比普通茶餐厅叫既好食，意粉唔系好粗个种又唔干身，芝士同蕃茄都好重料，食落好惹味，份量小小地真系会唔够喉！/4️⃣冻朱古力 ($39/大）［满星］⭐️⭐️⭐️⭐️⭐️‼️朱古力面加左层忌廉，仲加左小小朱古力酱，朱古力味道刚好，浓郁既朱古力味，但又唔会过浓再加上cream，成个味道再升华左！-环境：8/10服务：8/10好味指数：8/10回头率：8/10
继续阅读
同朋友如果想饮杯咖啡可以嚟到荃新天地呢间Tom and Toms，之前佢开第一间分店喺沙田新城市广场，我都有去朝圣过，佢嘅厚多士真系好正架，一直令我回味无穷。朋友好肚饿未食饭，叫咗个蒜香忌廉烟肉意粉，上碟嘅时候好热，忌廉好白滑，食落去好Creamy，蒜香嘅味道唔会过浓，啱啱好，而且烟肉嘅数量亦都好多。另外蜂蜜芝士吐司系我自爱，大啖大啖拉丝嘅感觉配埋自然清甜的蜂蜜，令我一试不能忘怀。叫咗杯榛子鲜奶咖啡，用白色杯装住热辣辣的咖啡零舍Grand，个拉花效果做得好靓呢！
继续阅读
原来好多学生哥钟意听住韩文歌嚟温书，都几多人嚟做功课温书，但又出奇地宁静，好有学习气氛!! 可以感受下青春嘅气息!! 呢度主打饮品咖啡但都有啲轻食熟食!! 饮品叫咗甘薯鲜奶同埋蜂蜜美式有气咖啡，甘薯鲜奶有紫薯嘅甜味加埋奶香，啱晒咁冻嘅天气饮，朋友𠮶杯其实就系Americano加左sparkling效果，佢觉得有啲怪，之前就咁饮呢度嘅Americano系好味㗎， sparkling都系外国人会比较钟意!! 意式牛肉蕃茄薄饼，个皮系薄脆嘅，个汁酸酸地配牛肉蕃茄芝士都几好味!! 芝士焗韩式饺子，饺子热辣辣芝士有拉丝效果!! 朋友order嘅韩式热狗，分量够晒大，味道正正常常!! 坐喺呢个望窗位发下呆都唔错!!
继续阅读