新麻蒲 BBQ (東港城) (已結業)

黎食新麻蒲，都唔一定要韓燒，其實韓式主食，都同樣好味。今日放工後，又想食韓國野，就黎咗新麻蒲。主食類既選擇都唔少，有飯有麵，實有款啱食。未食主菜時，可以先食前菜，有泡菜、青瓜、海帶。我就揀咗章魚石鍋伴飯。石鍋飯一向都多配菜，所以食落整體感覺好豐富。中間既流心蛋仲煎成心形，視覺效果加分。而主角章魚真係好好味，辣辣地，章魚味好出，非常下飯。食石鍋飯另一個亮點，當然係飯焦，底部同邊部既飯脆卜卜，好正。如果中意食辣，可以加埋韓式辣醬。另外，叫咗一客牛胸肉大醬湯，加$15配白飯。上枱時熱辣辣，好啱涼涼地既天氣食，成身暖晒。大醬湯入面有豆腐、大蔥、翠玉瓜，用料都豐富，不過若果能多一啲牛胸肉就好啦。餐廳用餐位置都多，而且坐位空間大，食下野，傾下計，都幾舒服。下次再黎，想試埋烤肉。