平昌 (已結業)

好耐冇食韓燒喇，知道樂富有間新開嘅韓國燒烤，一於試一試佢。一早已經有聽過平昌韓燒，佢喺旺角好出名，樂富係第一間分店。首先講下環境，枱與枱之前空間好闊落。櫈係傳統韓燒油筒櫈，可以放置擺隨身物品，一來唔洗怕俾油彈到，二來又可以隔一隔味。食韓燒最怕係油煙味同地下油笠笠。呢間新開嘅韓燒鋪好乾淨，完全冇清潔問題。我同朋友第一次食，由最平個餐＞大君餐＜試左先，食物種類係三個餐之中最少，飲品任飲。一坐低就上左大豆同泡菜，泡菜好好食。第一輪首先叫左啲牛黎試下。LA牛排、調味烤牛肉、辣調味烤牛肉、辣汁肥牛片、牛舌牛、肋骨肉。所有牛都切得好薄，好快熟。烤牛肉同肥牛片用生菜包一流。第二輪試雞、豬同海鮮。調味雞翼、豬頸肉、辣調味豬五花腩、芝士魚腸、魷魚、半殼扇貝、虎蝦、調味鰻魚。雞翼好大隻，好厚肉。代價係要燒好耐先熟 但即使燒得耐，依然juicy，皮唔會乾。熟食方面叫左醬油鵪鶉蛋、辣海鮮豆腐湯同水冷麵。鵪鶉蛋唔係好多地方有得食，浸左醬油幾香。湯有好多海鮮，仲有蟹嫁。最後食到膩嘅時候食個水冷麵，清爽青瓜同酸酸maymay嘅湯，好解膩。又可以再食多round啦！