影片
更多
2008-11-25
13 浏览
今晚又同肥豬、漲爆及家明一齊去飲飲食食 未食飯前，我地去左 美麗華商場既「UNI QLO」shopping，kakaka我同肥豬都有收穫，但就以我買得最多啦~ 跟住我地就轉戰旺角，我又再買左......一dd野啫...kakakaka 睇一睇時間....嘩~ 9點幾喇 唔怪得我地個個都咁肚餓啦~ 因為抵不住嘰呢咕嚕既肚餓，我地就去左最近我地購物地點既「沙嗲王」~一行到去，企係大堂既阿姐就話上2樓啦，有位呀，唔駛等呀~ 所以我地二話不說地乘lift 上去喇~ 真係好，居然有 4 人卡位呀~ 我地個個都好累，有d咁舒服既位，我地都未食先開心~ kakaka 我地既卡位有街景睇忝呀~ 下面就係著名既「女人街」啦~哈哈...漲爆仲話d遊客黎到就應該好鍾意我地呢個靚位喎~一行四人，又係叫左好多野食，樣樣都可以試下咁~四件豬肉粉卷﹕肥豬話好好食個喎，佢指定要order既野食~ 唔...我覺得一般啦...面層既粉皮做得唔夠滑及薄...味道又唔係好突出~ 要有d味道，就要靠d酸酸地既白醋...我個人就唔係好識得欣賞喇四件蒜茸包﹕長長地形既蒜茸包，我就嫌佢唔夠脆，應該再要焗耐多一d...燶多少少及
一行到去，企係大堂既阿姐就話上2樓啦，有位呀，唔駛等呀~ 所以我地二話不說地乘lift 上去喇~ 真係好，居然有 4 人卡位呀~ 我地個個都好累，有d咁舒服既位，我地都未食先開心~ kakaka 我地既卡位有街景睇忝呀~ 下面就係著名既「女人街」啦~哈哈...漲爆仲話d遊客黎到就應該好鍾意我地呢個靚位喎~
一行四人，又係叫左好多野食，樣樣都可以試下咁~
四件豬肉粉卷﹕肥豬話好好食個喎，佢指定要order既野食~ 唔...我覺得一般啦...面層既粉皮做得唔夠滑及薄...味道又唔係好突出~ 要有d味道，就要靠d酸酸地既白醋...我個人就唔係好識得欣賞喇
四件蒜茸包﹕長長地形既蒜茸包，我就嫌佢唔夠脆，應該再要焗耐多一d...燶多少少及熱多少少會好食d 而家既都...及格既~
白咖哩豬扒飯﹕呢碟好好好好味呀 d豬扒應該落左好多鬆肉粉，因為真係好腍、好鬆 我就喜歡d白咖哩汁多d~ 我連汁都無浪費，一滴汁都被我撈埋飯...真係好好好好味~
脆蝦棒﹕都幾脆、幾好味~ 蘸上少少泰式雞醬就仲好惹味~ good!!
蟹肉扒西蘭花﹕唔可以唔食蔬菜架嘛~ 呢款菜都ok掂喎~ 我又係好鍾意佢既獻汁...我又用黎撈飯呀!! kakaka
椒鹽雞軟骨﹕我肯定呢款係 $ 29，因為我落order前諗左好耐...究竟佢收我呢個價...佢會俾d咩貨我呢﹖﹖結果係...我好滿意呀~ 份量都幾多下，而且粒粒都唔細，加上佢又炸得夠香口，真係好好味呀!! 有時去d日式店舖度食，又貴，又少，又唔好食...但呢度既完全唔同 真係極度推介呀!!!
xo醬炒海鮮飯﹕個飯炒得都算乾身，都有幾多海鮮，算係一碟唔錯既炒飯~ 個飯夠唔夠味我就唔係太sure...因為我用d剩餘既白咖哩汁及蟹肉扒西蘭花既獻汁撈埋落d飯度呀!! 但其他3位都無投訴d飯既味道，所以應該都唔差既~
豬軟骨沙爹拉麵﹕漲爆指定要叫的，所以我唔敢say no! 食落...我唔係好慣d沙爹湯係甜甜地既...可能因為我食慣d有少少辣辣地既沙爹啦 不過整體上呢個湯麵都ok既~ d麵都有dd彈牙，唔會係腍pat pat，及格~
4人中有 3人叫飲品，只得家明揀唔到，所以就無揀到 +_+" 我飲左個平日少試既---椰汁綠豆冰~ 個飲品本身無咩問題...但點解d所謂既綠豆...好似係人地包糭果d黎既﹖﹖
however，如果呢d豆可以再腍返多dd，我估應該好好多啦~
埋單 $ 276，平均每人 $70 有找，好抵食丫~ 不過...點解無樓下朋友提及既 辣椒油 送既﹖﹖只得 coupon咋.....
p.s點菜其間有一笑料...話說 侍應姐姐話﹕「試唔試下“晚市優惠”﹖」但可能漲爆先生雙耳仔有事...佢竟然聽到﹕「馬屎優惠」 漲爆先生仲唔知咩事，問返人地﹕「咩係“馬屎優惠”﹖﹖」佢一講完後，笑到我地3個死死下...
张贴