達人包車 (已結業)

「韓國料理」我哋就嚟到金巴利道，大把韓國嘢選擇，經過達人包車，可能係平日嘅關係竟然唔使排隊，之前已經食過二次，所以都有信心再試。每次必叫烤牛肉鍋，甜湯底，旁邊嘅粉絲同埋菇類索晒佢嘅湯精華牛肉亦有牛味，好快就清晒鐵板魷魚配五花腩，魷魚同五花腩份量好多，我地四個都話點解食極都仲有甘多肉小小辣又濃味，送飯一流係韓國食過春川炒辣雞次次，食完都好想再食，梗係唔會放過要試一試啦，辣雞不會太辣，可惜份量有啲小、雞好快就冇晒，剩返啲汁炒飯加左一碗紫菜白飯，當食到剩返少量，有專人幫忙炒飯，一路炒就傳出紫菜既香味，好彩會加入旁邊嘅香腸炒，如果唔係就只得辣汁，依架就變左👆🏼炒香腸飯，味道偏咸，但都係好味既可能我哋太大食，都係唔夠飽，所以再點左炸醬麵，炸醬麵有點失色，睇落好靚，食左先發現炸醬味唔夠有點淡...我地仲叫左原隻蜜瓜燒酒要＄180但分量足夠四人飲，每一口都有果肉，清甜好味，酒味不濃，岩晒女仔飲好滿足既一餐下次要試下原隻西瓜燒酒