家家戶戶

营业中

休息中

店內簡單嘅佈置，只想讓客人感受到，韓國嘅家庭式料理。我哋叫左3款食物純豆腐豬肉湯(有啲辣)一向鐘意豆腐湯，味道辣辣哋，又醒胃，豆腐滑滑，今次重有豬肉响入面，豬肉餸白飯就啱啦！韓式牛肉石頭飯在石頭鍋內熱熱送上，內有翠肉瓜、菠菜、大豆芽、牛肉加隻雞蛋，將韓式辣醬拌勻所有食材，有益又好味，最驚喜嘅係食到最後，鍋底結焦有鍋巴，食落有香脆的口感。餃子年糕公仔麵滿足我三個願望，細細粒嘅韓式餃子一啖一粒，感覺唔會好飽，年糕煙煙韌韌，咬落有口感，公仔麵嘅麵條，吸左辣嘅湯汁(唔係好辣)好野味又地道。