影片
更多
2023-02-15
77 浏览
平時食韓國野多數都係炸雞﹑燒肉，間唔中都想食得清淡少少，呢次搵到間主打韓國傳統養生湯既小店，非常推薦⭐️ 餐廳座位唔多， 繁忙時間需要排隊，坐低已經見到出面有人龍喇🙈「韓屋」由韓藉廚師主理🇰🇷 將韓國家常菜帶黎香港，主打零味精&防腐劑既熱湯，滋補養生。Menu除左有十幾款熱湯，仲有拌飯、蒸餃子、煎餃子，都係韓國地道美食。♢ 🐓蔘雞湯 $168 (+$25蕎麥麵)講起養生湯，最經典一定係蔘雞湯！一上菜已經聞到人蔘香氣，影完相就即刻趁熱開動喇～ 成碗湯既材料都好補身，廚師係雞既腹部釀入人蔘﹑大棗﹑板栗﹑松子仁﹑糯米﹑大蒜，經過長時間熬製，雞湯十分香濃，雞肉燉得軟腍，非常入味！由於所有湯都係無跟飯，所以我地加左蕎麥麵~ 更加飽肚！♢ 🐖炒豬肉石鍋芝士拌飯 $138色香味俱全既拌飯~ 好有誠意！石鍋上枱時吱吱聲，夠哂熱辣辣♨️ 香氣十足！餐廳加左好多芝士，拌勻後有拉絲效果，勁吸引~ 除左豬肉片，仲落左大量芽菜﹑本菇﹑翠玉瓜﹑紅蘿蔔絲、菠菜，豐富又健康。鍋底仲有D飯焦，食落好香口惹味！♢ 🥟餃子王 $18賣相別緻，用迷你蒸籠上菜，打卡一流！Size勁大粒，成個拳頭咁大，超級滿足~ 餃子皮薄餡靚，韭菜
「韓屋」由韓藉廚師主理🇰🇷 將韓國家常菜帶黎香港，主打零味精&防腐劑既熱湯，滋補養生。Menu除左有十幾款熱湯，仲有拌飯、蒸餃子、煎餃子，都係韓國地道美食。
♢ 🐓蔘雞湯 $168 (+$25蕎麥麵)
講起養生湯，最經典一定係蔘雞湯！一上菜已經聞到人蔘香氣，影完相就即刻趁熱開動喇～ 成碗湯既材料都好補身，廚師係雞既腹部釀入人蔘﹑大棗﹑板栗﹑松子仁﹑糯米﹑大蒜，經過長時間熬製，雞湯十分香濃，雞肉燉得軟腍，非常入味！由於所有湯都係無跟飯，所以我地加左蕎麥麵~ 更加飽肚！
♢ 🐖炒豬肉石鍋芝士拌飯 $138
色香味俱全既拌飯~ 好有誠意！石鍋上枱時吱吱聲，夠哂熱辣辣♨️ 香氣十足！餐廳加左好多芝士，拌勻後有拉絲效果，勁吸引~ 除左豬肉片，仲落左大量芽菜﹑本菇﹑翠玉瓜﹑紅蘿蔔絲、菠菜，豐富又健康。鍋底仲有D飯焦，食落好香口惹味！
♢ 🥟餃子王 $18
賣相別緻，用迷你蒸籠上菜，打卡一流！Size勁大粒，成個拳頭咁大，超級滿足~ 餃子皮薄餡靚，韭菜豬肉餡，仲加左韓式粉絲同胡椒粉，香口好味！
♢ 🔥泡菜餃子王 $18
呢粒包左泡菜豬肉，頗有韓國特色。泡菜+胡椒粉都幾辣，幾惹味！
张贴
