韓珍 (帝國中心) (已結業)

尼間野係韓國人主理，所以餐牌都好多比較特別嘅菜式，例如糖醋肉、牛小腸尼啲其他韓國餐廳比較少見到嘅菜式 我地叫左豬肉拼盤+牛小腸，熟食就叫左糖醋肉+炸醬麵。價錢尼道算中高價啦，但包左一大堆前菜，所以都物有所值 老板仲親自幫我地燒，但啲豬肉同牛小腸真係好韌😅😅😅佢地真係一啲醃料都冇放落去，唔知係咪對啲肉太有信心炸醬麵都正宗嘅，但糖醋肉真係令我最唔明嘅一道菜。點解中間係包冬菇？！仲要咁大舊只係包左半粒冬菇🤨？成舊都係脆炸皮+空氣，雖然個汁係開胃，但食2-3舊都唔會想再食落去，因為好似食緊一舊粉咁 總括而言，服務係唔錯嘅，但食物就有待改善。 可能下次要叫番啲肥肉咁先唔會咁韌