麵麵 (已結業)

今日我係旺角行街行到肚餓，去左呢間餐廳試新野，呢間野新開張，裝修得幾靚。一坐低未嗌野食就一人送左個蝦湯俾我地飲，好濃蝦味，值得一試。餐廳野選擇有好多，有日式定食、意粉等等。我地嗌左個安格斯牛定食，定食好精緻，放左係個日式盒入面，牛肉用日本醬油味醂煮，好有日本風味，中間仲有個魚脆，好特別。我地仲嗌左個番茄蝦肉魚烏冬，個烏冬軟腍腍，伴埋番茄同蝦肉好開胃我地仲嗌左個避風塘雞翼，外脆內軟，炸得岩岩好，加埋避風塘口味，好好食。