影片
更多
2008-10-25
29 浏览
一個兩星期前嘅食評, 日期係十月九號晚上! 師傅都唔記得係邊個約邊個食飯, 淨係知道約左好友食家"乜都放入窿"晚膳, 原先約定喺旺角區, 但因為師傅飯後又約左朋友, 所以就更改左地點為尖沙咀!於是師傅上黎呢度搵下有咩好食啦, 最後見到呢間食店, 再問一問好友食家"乜都放入窿"試過冇, 結果係未試過, 所以就決定黎呢度一試! 保險少少, 師傅都係訂定枱搵穩陣d!由於監房工作煩重, 所以師傅遲左少少先到! 去到已經見好友食家"乜都放入窿"一個坐左喺度, 真係有點兒唔好意思呀! 好一坐底就即刻睇下有咩好食, 睇睇下有位伙計行埋黎問飲d咩, 最後師傅就話飲茶啦, 開左香片, 點知伙計就開左一壺仔嘅茶比師傅, 呢一下真係出乎意料之外, 原來茶係每位計, 咁師傅唯有補番句係兩位都要茶啦, 之後伙計又再攞多一壺黎!跟住就一齊商量食咩好啦, 好友食家"乜都放入窿"就樣樣都遷就師傅, 皆因知道師傅奄尖嘛, 你話呢d朋友喺邊到搵呀? 好講下柯打左咩先, 有口水雞, 麻辣水晶粉皮, 四川海鮮炒麵, 辣飽子同埋蝦仁蕃茄蒸餃!等左一陣率先登場嘅係麻辣水晶粉皮, 麻辣水晶粉皮係比較特別, 先將d麻辣醬撈勻, 再試
於是師傅上黎呢度搵下有咩好食啦, 最後見到呢間食店, 再問一問好友食家"乜都放入窿"試過冇, 結果係未試過, 所以就決定黎呢度一試! 保險少少, 師傅都係訂定枱搵穩陣d!
由於監房工作煩重, 所以師傅遲左少少先到! 去到已經見好友食家"乜都放入窿"一個坐左喺度, 真係有點兒唔好意思呀! 好一坐底就即刻睇下有咩好食, 睇睇下有位伙計行埋黎問飲d咩, 最後師傅就話飲茶啦, 開左香片, 點知伙計就開左一壺仔嘅茶比師傅, 呢一下真係出乎意料之外, 原來茶係每位計, 咁師傅唯有補番句係兩位都要茶啦, 之後伙計又再攞多一壺黎!
跟住就一齊商量食咩好啦, 好友食家"乜都放入窿"就樣樣都遷就師傅, 皆因知道師傅奄尖嘛, 你話呢d朋友喺邊到搵呀? 好講下柯打左咩先, 有口水雞, 麻辣水晶粉皮, 四川海鮮炒麵, 辣飽子同埋蝦仁蕃茄蒸餃!
等左一陣率先登場嘅係麻辣水晶粉皮, 麻辣水晶粉皮係比較特別, 先將d麻辣醬撈勻, 再試下個粉皮, 粉皮都幾滑身, 加上入口帶少少煙韌, 而麻辣份量洽到好處, 唔會過火, 所以都幾惹味; 接住落黎就係試下口水雞, 口水雞賣相都幾靚幾吸引, 再試一啖發覺雞身幾鬆幾腍, 都算幾滑身, 份量又唔少, 唔錯喎!
再黎就試下辣飽子, 一客有三隻, 先試一口, 發覺飽身煎得好脆, 脆而不乾, 而餡料辣辣地幾惹味吸引, 有少少似生煎包, 但比生煎包更好味, 掂喎; 蝦仁蕃茄蒸餃一客有五隻, 蒸餃裡面有蝦仁, 同埋有蕃茄味, 味道酸酸地勁醒胃, 而蝦仁就幾爽口, 係個皮黏左少少同原左少少啦, 幾特別幾好味; 四川海鮮炒麵反而係全晚最平凡, 唔係炒得唔好味, 而係冇咩特別, 只不過係一碟豉油王海鮮炒麵咁, 唔夠香唔夠辣, 如果加多少少天椒去炒, 味道應該會更搶口!
總括黎講食物質素頗好, 環境又靜又舒服, 人流又唔多, 而服務亦可以接受, 價錢就唔算太貴, 兩個人每人都係百七蚊, 都算幾抵食; 師傅覺得呢間食店都幾有特色, 不論由外觀到茶式, 都算幾特別, 再講飲品選擇熱茶, 原來係有一塊杏仁餅用黎嘆茶, 杏仁餅夠鬆夠脆, 加上唔甜, 得喎! 點解呢間食店叫做面譜呢? 師傅真係估佢唔到, 不過有咁嘅質素又有咩辦法唔比笑臉呢? 呢間食店值得再黎!
张贴
