影片
更多
2009-02-06
6 浏览
港式茶餐廳係值得我哋香港人自豪嘅飲食勝地，但真係未試過一間咁差嘅茶餐廳，環境差，招呼差，伙記態度仲差，食物就更差，唔知點解佢仲生存到！一行五人星期日（年三十嗰星期日）返完教會又落太子搵食，好隨意揀咗新發，可能因為年近歲晚，好多人晌花墟買花，搞到附近嘅花園街一帶食肆都好爆，所以新發都好旺，入到去都無人理，門口收銀又好，裡面伙記又好，都無人問你幾多位，總之就要自己搵位坐。我哋見啱啱有人走，就坐埋去先，都好有個伙記哩執拾吓嘢，因為枱面仲有好多茶水漬，咪叫個伙記抹一抹，勁，佢真係就咁抹「一」抹就行開咗，枱面依然仲有半灘水，吹漲！一間餐廳D伙記態度臭檔或者好串，但仲有好多人去幫襯，通常就係佢D嘢食好得，先甘心被佢串，不過係依度個實情唔係囉！我哋叫咗5個午餐：鹹魚雞粒炒飯、星洲炒米、乾炒牛河、焗豬扒飯同咖喱牛肉飯，仲要加錢先有嘢飲，仲無湯送添，所以其實都唔算一個餐！未講食，先講飲，小弟叫杯奶茶，茶餐廳至愛嘅飲品，茶味算OK啦，唔係好夠滑，最弊係個茶杯，勁崩口，好心換咗佢啦，大人睇到就會小心啫，細路仔唔小心咀咗落去有損傷就好無謂啦！至於5個炒粉飯麵，得個鹹魚雞粒炒飯同咖喱牛肉飯似樣D，其餘3個難聽D
一行五人星期日（年三十嗰星期日）返完教會又落太子搵食，好隨意揀咗新發，可能因為年近歲晚，好多人晌花墟買花，搞到附近嘅花園街一帶食肆都好爆，所以新發都好旺，入到去都無人理，門口收銀又好，裡面伙記又好，都無人問你幾多位，總之就要自己搵位坐。我哋見啱啱有人走，就坐埋去先，都好有個伙記哩執拾吓嘢，因為枱面仲有好多茶水漬，咪叫個伙記抹一抹，勁，佢真係就咁抹「一」抹就行開咗，枱面依然仲有半灘水，吹漲！一間餐廳D伙記態度臭檔或者好串，但仲有好多人去幫襯，通常就係佢D嘢食好得，先甘心被佢串，不過係依度個實情唔係囉！
我哋叫咗5個午餐：鹹魚雞粒炒飯、星洲炒米、乾炒牛河、焗豬扒飯同咖喱牛肉飯，仲要加錢先有嘢飲，仲無湯送添，所以其實都唔算一個餐！未講食，先講飲，小弟叫杯奶茶，茶餐廳至愛嘅飲品，茶味算OK啦，唔係好夠滑，最弊係個茶杯，勁崩口，好心換咗佢啦，大人睇到就會小心啫，細路仔唔小心咀咗落去有損傷就好無謂啦！至於5個炒粉飯麵，得個鹹魚雞粒炒飯同咖喱牛肉飯似樣D，其餘3個難聽D講句真係茶餐廳嘅恥辱，差過D連鎖快餐店，星洲炒米好「削」，一D唔似炒米，似淥完個米粉再加D料兜勻就算，無炒嘢嘅香味，仲衰嘅係連D料都無兜勻；乾炒牛河就直頭失敗，個師傅炒到碟嘢去到至高境界，就係無色無味，碟牛河真係面無血色，食落又好淡口，真係完全唔掂；其次個焗豬扒飯，麻麻哋，蕃茄汁色又假，暗橙色，味又假，一舊蕃茄或一粒蕃茄籽都無，明顯係現成醬汁打，無蕃茄鮮味，仲有，睇佢個款就似係就咁加少少芝士碎入爐烘一烘就俾客食，因為蕃茄汁面同碟邊都無焗飯嘅焦香現象。再者，幾碟嘢嘅份量都唔多足秤，尤其個星米同牛河，所以，好唔值！
张贴
