GOCHISO (已結業)

每每思考食咩好既時候，多數都會上openrice搵食。今次搵到Gochiso(日文的招待ごちそう)餐廳介紹係日本式地中海菜，由於去過希臘，加上網站的食品相片吸引，一於專程去食！放工時間七點入坐都唔使等位，落單食物好快到，座位都算舒適。左邊：蒜蓉包，好味夠香！個人覺得好食過大品牌pizza店的蒜蓉包。右邊：四式拼盤。三條肉腸切半夠方便逐小咁食，開邊雞奕有微咖哩味最驚喜！連炸魚都少有地冇乜雪味，正！和風照燒雞pizza，一咬就知批底係手搓的，一個好食既pizza重點先要有手工又好食的批底！！批面有牛油同蒜味，加埋照燒雞，男友話好好好食！甜品叫左cheese tart同焦糖燉蛋，未想過有時令生果伴碟，好感度大大提升！！期待有奇異果同火龍果等清新水果伴碟，更有助增加甜品美味。蛋香有奶滑，蛋與奶的比例剛剛好，而且個燉蛋係意料之外的大，如果單點佢都唔太貴，非常抵食!!兩個人，食左一個頭盤兩份主菜兩份甜品，連計加一，四百之內的晚餐，好合理~今次真係ごちそうさまでした！