靠得住粥麵小館 (奧海城二期)

营业中

休息中

貴為唯一的粥鋪取得「米芝連車胎人推介」，單係呢個光環都經已值得我們平時拉大隊幫襯。我一定唔會食粥（因為怕肚餓）而係食午巿套餐，今日都唔例外叫左個鮮蝦揚州炒飯套餐。揚州炒飯賣相頗為吸引，完全幻想到廚師炒完個飯用大勺上碟，成個勺形出曬黎，而且熱騰騰香噴噴，真係「香」、「味」俱全。蝦冇用嘢乸過仍能保持蝦肉彈牙，飯炒得夠乾身有鑊氣，粒粒都有蛋漿包住呈金黃色，合符預期預期，唯一美中不足係冇落「美極」豉油，令個「色」水差少少。而甜酸咕嚕球菜飯亦係佢地撚手小菜之一，真正做到皮脆肉嫩，咕嚕肉用的是豬肉，顏色同咕嚕魚响我心目中的形象一致，酸酸甜甜非常開胃，絕對靠得住！可惜菜飯有點油膩，不夠健康。仲有魚腩豬潤粥真係世界級，生滾粥夠綿滑，滾兩滾真係神仙都企唔穩，豬潤夠厚身爽夾滑，魚腩鮮甜啖啖肉，魚與熊掌兩者兼得！