意樂餐廳 (利安商場)

营业中

休息中

行過路過見無乜人就試吓個下午茶，點知俾佢個腿蛋治震驚咗，烘埋底好好食，刷新咗我對三文治嘅三觀。今次特登嚟試埋個午餐，叫咗個黑椒鴛鴦扒飯。超多黑椒汁，夠辣夠惹味，雞肉酥脆，豬扒都ok，凍啡香濃，正！但係服務真心唔掂，2次嚟都無人安排入座、維持秩序，次次都見到有人因為無排隊、爭先後而鬧交。啲待應做嘢就神情呆滯無乜反應咁，落單上菜收枱都係粒聲唔出，但未至於板起塊面嘅。我只能夠講係全靠廚房水吧救返呢間餐廳。