米走雞 (昭德大廈) (已結業)

之前都講過，小弟對雞煲一向都無乜興趣！但食過依到嘅《黃金芝士雞煲》後，真喺完全改觀！今次仲帶埋三個朋友嚟食，叫咗好幾樣嘢食添！當然，主打嘅芝士雞煲緊喺唔少得啦！我幾個朋友都鍾意食芝士，都讚好食，超入味！而我自己食第二次，都好欣賞佢哋用上嘅雞脾肉，食落啖啖肉！正！其實淨食雞煲都幾夠飽，不過配上芝士汁嚟打邊邊，點都要試吓其他花款！我哋叫咗個菜啦、魚片頭 、金菇 、 響鈴、蟹子龍蝦丸 、魚餃 、 米線、 鯇魚腩同脆肉鯇片！我自己最欣賞喺會索哂芝士汁嘅響鈴，米線同脆肉鯇片！食落非常 Creamy，非常之正！如果想試吓擁有香港特色嘅雞煲，又鍾意食芝士，真喺米走雞，嚟試一試！