影片
更多
2013-03-23
241 浏览
此檔是經過去打波時經過的路口見陣陣白煙上升, 有時整絛街都被白煙遮蔽至背景的高樓大廈模糊一片就知道這裡是自己必會來一次對決, 但起碼四個人啦,終於在15/Mar.可以即興斉腳四位, 是晚星期五時值9點半但客人並不是全滿, 只是六成左右, 當日沒有叫啤酒, 只吃小菜, 菜式計有:生炒骨 $68- 夠份量, 比新式酒家的多一倍, 肉同彩椒比例是7:3的正常麻甩比例, 只是醮粉厚了點, 所以被酸甜汁沾上的肉排口感不是太脆啦, 但肉醃得不會過份咸或者一陣鬆肉粉氣味, 唔太咀尖的我們都感覺OK嘅炸大腸 $68 – 炸得乾身, 腸衣大部份都已成脆脆的簿片, 唯獨是腸內的肥羔還有部份殘番在腸壁, 盡可能的剔開它吧, 鼓椒炒聖子 $78- 鼓椒味雖然帶辣但尚算溫和, 聖子屬於細嗰種, 但都有鮮味亦有咬口, 只是有些微的細砂生菜鯪魚球煲 $60- 翠綠的唐生菜幾大棵放面, 有睇頭, 下面的鯪魚球亦不少, 唯獨是個湯不是湯,係幾咸下的鹽水, 唔明點解唔開個淡口上湯/魚湯落去, 而用個咁重口味的鹽水?這味道真的配合到嗎?鼓油皇炒麵 – 唔知價因為餐牌無呢樣野, 炒功唔錯, 配料都有斉除咗無甘筍絲,火腿絲之外
生炒骨 $68- 夠份量, 比新式酒家的多一倍, 肉同彩椒比例是7:3的正常麻甩比例, 只是醮粉厚了點, 所以被酸甜汁沾上的肉排口感不是太脆啦, 但肉醃得不會過份咸或者一陣鬆肉粉氣味, 唔太咀尖的我們都感覺OK嘅
炸大腸 $68 – 炸得乾身, 腸衣大部份都已成脆脆的簿片, 唯獨是腸內的肥羔還有部份殘番在腸壁, 盡可能的剔開它吧,
鼓椒炒聖子 $78- 鼓椒味雖然帶辣但尚算溫和, 聖子屬於細嗰種, 但都有鮮味亦有咬口, 只是有些微的細砂
生菜鯪魚球煲 $60- 翠綠的唐生菜幾大棵放面, 有睇頭, 下面的鯪魚球亦不少, 唯獨是個湯不是湯,係幾咸下的鹽水, 唔明點解唔開個淡口上湯/魚湯落去, 而用個咁重口味的鹽水?這味道真的配合到嗎?
鼓油皇炒麵 – 唔知價因為餐牌無呢樣野, 炒功唔錯, 配料都有斉除咗無甘筍絲,火腿絲之外, 炒麵那位師傅可能時間比較多, 剪麵時剪多咗幾下, 稍稍碎濕濕囉
砵仔焗魚腸 $75 一個比較工序多的菜式, 成品是沒有想像中的油光滿面, 只是少訐油在砵邊, 蛋面也只是一層好簿的硬塊, 內餡的魚腸份量比較上屬於多, 而肉碎則相對地少, 亦欠缺冬菇絲同陳皮,這兩種東西在這個菜上算是靈魂, 但竟然感覺唔到, 所以這菜是較為唔滿意的一道菜
蝦醬茄子蒸豬面青 $68 –一個估唔到做得幾好的家庭小菜, 雖然賣相沒花太多心思, 但調味沒有太重所以碟底還灑上鼓油, 不過如果面再灑上一點赤蝦之類作裝飾必定令整個菜生色不少,
整體服務質素唔算差, 食物就有參次, 但價錢優先的話這裡能填飽肚之餘亦可以食到一些本土口味,不失為一個唔鉑的選擇
张贴
