鬼滷 (已結業)

今日嚟咗一間高端但性價比極高既潮州館 💯因為個人好喜歡吃潮州嘢，但多數潮州嘢都係食打冷，一大班人去嗌幾碟餸，所以有時兩個人同朋友都只能夠食西餐😥但呢間名叫鬼滷既餐廳大多數都係一人份量，啱晒想食潮州嘢但人數唔多嘅情況下去食，我再加上佢個名都改得幾有趣所以就吸引咗我去試吓👻我先係叫咗個滷水鵝片白飯配滷水蘭王蛋，佢嘅滷水鵝片都非常正宗，滷水好入味，可以媲美出面既打冷鋪，同埋佢有唔同嘅配菜同醬汁，加入咗定食嘅元素🍱令我覺得好豐富👏🏻另外朋友叫咗個韭菜鴨血蔥油拌麵配蜆仔肉生菜包，因為我哋都好鍾意食鴨血但又食唔到太辣🥵佢呢個辣到啱啱好，而且非常惹味😋個個拌麵有唔同嘅醬汁撈出黎，又係芬香撲鼻，令人非常有食慾🥰至於佢個蜆肉生菜包🦪有別於平日嘅肉碎生菜包，有大量蜆肉非常足料，真系好好食👍🏻飲品方面就嗌咗荔枝接骨木梳打同蜜桃香茅烏龍茶🍹佢最特別嘅位就係佢有獨家設計嘅鐵罐，鍾意嘅朋友可以飲完拎返屋企收藏🤣到最後就帶咗個飯後甜品，賣相非常吸引，而且好飽肚，絕對係落足料！如果想食飯後甜品記得留少少肚先去食🤣我同朋友都撐到個肚勁飽