影片
更多
2012-12-12
13 浏览
同樣買了2人groupon,同樣訂了多次都說起碼9時才有枱。今次早多幾日，終於訂到8點半啦!過左rush hour，可以2個人霸囇張4人枱，正!隔離要搭枱呢!裝飾幾靚同乾淨，坐得唔迫，OK啦。講番食：1 叉燒酥：熱熱地幾好未，每人一個夠皮了，有D滯。2 細雲呑麵：同老舖份量、味道都差唔多，麺爽爽地，雲吞細粒好味。3 乾炒牛河：嘩!超大碟!老舖都無咁大碟!有幾多芽菜同䓤，但牛肉比較少，一貫好味，但食完成晚口渴。4 叉燒腸：腸粉滑，叉燒唔多，豉油夠甜，都幾好食。5 糖水：老薑蕃薯，蕃薯都煲到溶囇，幾夠薑味。老公係肥佬，我地2個都好勉強先食得囇。難怪有D朋友weekend帶埋阿媽去食tea，絕對夠3個人食。雖然groupon的確寫明2人餐只供2人享用，但帶多1個人要多收80大元，的確有點那個。其實tasting menu份量可以減少一D。 服務係訂枱時差D，食個陣基本上唔錯，會主動斟水同叫你小心D食物熱。 起身想走個陣，忽然有個阿叔板住塊面問我係咪團購同埋左單未，我話乜團購都要埋單咩?阿叔話要收6蚊，無解釋係乜嘢費。我估係茶錢掛，其實杯茶同水無分別。我豪比佢10蚊，阿叔粒聲唔出拿住張銀紙走去
過左rush hour，可以2個人霸囇張4人枱，正!隔離要搭枱呢!裝飾幾靚同乾淨，坐得唔迫，OK啦。
講番食：
1 叉燒酥：熱熱地幾好未，每人一個夠皮了，有D滯。
2 細雲呑麵：同老舖份量、味道都差唔多，麺爽爽地，雲吞細粒好味。
3 乾炒牛河：嘩!超大碟!老舖都無咁大碟!有幾多芽菜同䓤，但牛肉比較少，一貫好味，但食完成晚口渴。
4 叉燒腸：腸粉滑，叉燒唔多，豉油夠甜，都幾好食。
5 糖水：老薑蕃薯，蕃薯都煲到溶囇，幾夠薑味。
老公係肥佬，我地2個都好勉強先食得囇。難怪有D朋友weekend帶埋阿媽去食tea，絕對夠3個人食。雖然groupon的確寫明2人餐只供2人享用，但帶多1個人要多收80大元，的確有點那個。其實tasting menu份量可以減少一D。
服務係訂枱時差D，食個陣基本上唔錯，會主動斟水同叫你小心D食物熱。
起身想走個陣，忽然有個阿叔板住塊面問我係咪團購同埋左單未，我話乜團購都要埋單咩?阿叔話要收6蚊，無解釋係乜嘢費。我估係茶錢掛，其實杯茶同水無分別。我豪比佢10蚊，阿叔粒聲唔出拿住張銀紙走去cashier。我嚟之前再double check過groupon無寫有extra fee的，點知都發生尷尬事。
老老實實，正價牛河80，細雲吞麺48（睇其他食評寫），我都係去番老舖算了!
张贴