海南少爺 (已結業)

前日用coupon和朋友去食，本來仲有點期望。點餸時啲員工已經黑曬面，問少少野唔肯答仲要串番轉頭。叫左海南雞飯同海鮮喇沙，雞肉唔新鮮，又乾又硬，湯極咸；喇沙無椰香，無鮮味得個咸字。我當自己唔好彩，無理到繼續食。點知食到蝦頭時有陣腥臭味，背脊仲連住條黑色既腸/屎，嚇到我叫個員工過黎，點知佢肯換，仲響度問侯人。最後糾纏左勁耐先肯換個俾我，但情況無好好多，我地淨係食左一半就唔食走左。點知呢個只係惡夢既開始。當晚番到屋企就開始肚痛，痾足成晚差啲暈低到尋日中午先好轉。問完朋友發現原來佢都有唔舒服，一致認為係個喇沙有問題。以後唔會幫襯，大家都唔好中伏！