影片
更多
2022-07-03
540 浏览
一直以來早已聽聞呢間倫哥私房菜火鍋 「冇限時間、食品豐富 」憑呢個賣點今日終於去試一試！ 一入嚟坐低姐姐「光速」要我哋決定雞煲辣度同蒸海鮮食法！速度之快巴斯光年都做唔到！！！心神稍為平定姐姐已經放上雞煲！我心諗唔係冇限時間點解會咁趕？雞煲放好姐姐教兩分鐘炒一下、炒四次！但係炒咗三次已經燶晒！只好是旦食少少冇咁燶雞肉！ 與此同時蒸海鮮又嚟到！辣椒蒸海鮮！象拔蚌仔，扇貝仔，鮑魚仔，三樣海鮮有如擦紙膠！冇其他嘢可以講！！！ 「食完熱辣辣雞煲同埋海鮮」忽然之間上冷盆冰凍嘅刺身同埋小食！？小食有非常紅色不知名瓜類，皮蛋，類似筍嘅物體，幾粒鵪鶉蛋！ 剌身係最普通放題級數嘅刺身！有三文魚北寄貝幾隻蝦全部都係非常特別嘅「新鮮但冇鮮味！」又係冇其他嘢可以講！ 到主菜火鍋！原來花膠雞湯底同埋另一個雞湯底都係要預訂嘅！最後只好揀咗雜菇湯底！湯底非常多金菇同少量雜菇
一入嚟坐低姐姐「光速」要我哋決定雞煲辣度同蒸海鮮食法！速度之快巴斯光年都做唔到！！！心神稍為平定姐姐已經放上雞煲！我心諗唔係冇限時間點解會咁趕？雞煲放好姐姐教兩分鐘炒一下、炒四次！但係炒咗三次已經燶晒！只好是旦食少少冇咁燶雞肉！
與此同時蒸海鮮又嚟到！辣椒蒸海鮮！象拔蚌仔，扇貝仔，鮑魚仔，三樣海鮮有如擦紙膠！冇其他嘢可以講！！！
「食完熱辣辣雞煲同埋海鮮」忽然之間上冷盆冰凍嘅刺身同埋小食！？小食有非常紅色不知名瓜類，皮蛋，類似筍嘅物體，幾粒鵪鶉蛋！
剌身係最普通放題級數嘅刺身！有三文魚北寄貝幾隻蝦全部都係非常特別嘅「新鮮但冇鮮味！」又係冇其他嘢可以講！
到主菜火鍋！原來花膠雞湯底同埋另一個雞湯底都係要預訂嘅！最後只好揀咗雜菇湯底！湯底非常多金菇同少量雜菇味道尚算清新！？
跟住睇餐牌應該有非常多配料首先上枱係手打丸！之後有蝦滑、牛肉（牛頸脊）本來非常期待任食牛頸脊但係上枱嘅牛肉就同蒸海鮮一樣咁似擦紙膠！？？？
其實真係唔明個樣咁靚嘅牛肉點解可以咁難食？
同一時間又上咗一盤海鮮盤？海鮮盤上有啲魚肉（有類似龍躉肉，類似鯇魚肉， ）仲有少少蜆肉，兩隻蝦⋯⋯⋯⋯真係好唔明鯇魚都可以當海鮮？食到呢度已經完全冇期望！海鮮質量真係非常之普通！普通到一個點唔知點樣形容好！ ！ ！ ！只好是但裝全部食材放入鍋中煮熟之後進食！
好認真講從來未試過食放題可以咁快想埋單！一個唔限時嘅放題我哋居然只係食咗50分鐘之後就埋單啦！埋單時姐姐送上雪糕！一隻有日文嘅雪糕牌子！ ！ ！打開食咗一啖芒果味雪糕！真係從來未試過咁特別嘅芒果味雪糕！有好鮮黃色嘅芒果顏色！又非常濃烈顏色染料味！
我真係冇說話好講可以形容呢一餐飯！又坐低直到買單真係完全冇一樣食品可以用好味來形容！好味嘅嘢可能大家都唔相同但係我真係對呢餐只好講句「完全失望」！好佩服餐廳可以做到由頭盤到甜品都保持到咁難食嘅水準真係值得敬佩！
最後大家喺50分鐘埋單走人！眾人帶着空空嘅肚子走左去食麥文記雲吞麵，同埋澳牛！
张贴