茶跡 (已搬遷) 新店位置

係尖沙咀食完韓國野，辣到頂唔順就附近搵野飲。 見到一間有得坐既飲品店。地板藍白格仔磚，牆以黃色及米色磚砌成，型成強烈對比。 係收銀旁仲有2隻大公仔同Anson Lo poster 比無打卡。都幾多人行過入來打一打卡先走。一看之下都幾多茶種簡。 有醇茶系列、芝士奶蓋系列、奶茶類、冬瓜系列、Q感奶茶、手打檸檬茶系列、益力多系列及鮮奶系列。手打檸檬蜜桃茶手打檸檬蜜桃茶，用新鮮檸檬沖製，再加埋蜜桃果肉既香氣及茶香. 一試難忘。芒果益力多超多果肉，好重芒果味，仲有得免費加爆珠。 飲落芒果味，之後帶點益力多味道，兩隻調埋酸酸味味，估唔到咁match 。