影片
更多
2019-05-19
30 浏览
話說琴日星期六終於放假啦出開銅鑼灣行街男朋友話帶我去食一間好評好多嘅忌廉烏冬由於我哋去嘅時間係下午茶時段所以人數唔多一入到去侍應哥哥都好好人即刻招呼我哋坐窗口位望出去個景都好靚由於第一次來的關係除咗招牌嘅忌廉烏冬我哋都唔知叫乜嘢食好順便問一問侍應哥哥佢就推介我哋另外嗌個美國牛里脊同鹹蛋薯條見到價錢相宜 都好擔心份量唔夠食點知上菜之後證明我嘅擔心係多餘首先上菜嘅係忌廉咖哩烏冬我哋嗌左牛肉本身見到咁多cream係上面仲擔心會唔會好流點知配合埋樓下啲咖喱真係超級超級超級超級好食咖喱汁又好濃 配合埋忌廉變咗好creamy 烏冬嘅品質好好非常彈牙仲加埋啲好有肉味嘅牛肉粒之後上菜嘅係鹹蛋薯條呢個啱啱新鮮炸起嘅薯條好容易令人上癮因為鹹蛋黃咸咸香香薯條好脆口醬我哋都冇點就直接食另外一個主菜上菜啦本身鐵板上菜嘅時候我以為係冇得玩嗰個石板原來係有架!!!侍應哥哥話廚房將塊牛扒煎到一成熟我哋另外就自己再將佢切開放上石版嗰度燒 就大功告成啦見到石板配牛肉成個畫面都好滿足成塊牛扒大概都切到10 舊牛肉我哋大概每一邊煎左10秒就即刻上碟食牛里脊既肉味非常濃無乜牛根 又腍燒完上黎基本上都唔使點佢特製既醬汁已經ok另
話說琴日星期六終於放假啦
出開銅鑼灣行街
男朋友話帶我去食一間好評好多嘅忌廉烏冬
由於我哋去嘅時間係下午茶時段所以人數唔多
一入到去侍應哥哥都好好人即刻招呼我哋坐窗口位
望出去個景都好靚
由於第一次來的關係
除咗招牌嘅忌廉烏冬我哋都唔知叫乜嘢食好
順便問一問侍應哥哥
佢就推介我哋另外嗌個美國牛里脊同鹹蛋薯條
見到價錢相宜 都好擔心份量唔夠食
點知上菜之後證明我嘅擔心係多餘
首先上菜嘅係忌廉咖哩烏冬
我哋嗌左牛肉
本身見到咁多cream係上面仲擔心會唔會好流
點知配合埋樓下啲咖喱
真係超級超級超級超級好食
咖喱汁又好濃 配合埋忌廉
變咗好creamy
烏冬嘅品質好好非常彈牙
仲加埋啲好有肉味嘅牛肉粒
之後上菜嘅係鹹蛋薯條呢個啱啱新鮮炸起嘅薯條好容易令人上癮
因為鹹蛋黃咸咸香香
薯條好脆口
醬我哋都冇點就直接食
另外一個主菜上菜啦
本身鐵板上菜嘅時候我以為係冇得玩嗰個石板
原來係有架!!!
侍應哥哥話廚房將塊牛扒煎到一成熟
我哋另外就自己再將佢切開
放上石版嗰度燒 就大功告成啦
見到石板配牛肉成個畫面都好滿足成塊牛扒大概都切到10 舊牛肉
我哋大概每一邊煎左10秒就即刻上碟食
牛里脊既肉味非常濃
無乜牛根 又腍
燒完上黎基本上都唔使點佢特製既醬汁已經ok
另外佢仲配左預先炒好咗嘅洋蔥
我地都有放埋上去石板度燒
好香甜!!
應該仲有一粒非常大嘅蘑菇
佢上面放左一齊好厚嘅芝士
好好食呀!!!
銅鑼灣呢啲區域黎講
咁樣嘅價錢識到啲咁高質既野食
真係超值!!!!
张贴
