Cafe Paradise (砵蘭街) (已結業)

今日放假無無聊聊，就一早出咗去太子花墟行街，行到攰攰地，見有間餐廳，門口有多人等位，午餐介紹亦幾吸引，就入去試下 餐廳有好多選擇，除有lunch set外，仲有石燒扒餐、全日早餐、西式意粉/飯 全日早餐 西冷牛扒，厚厚一大件，入口帶有黑椒香味加少許牛的油脂騷味，肉質結實有咬口 煙三文魚，油脂豐腴，咸味適中 凍肉有直布羅陀腸、煙火腿 配有黑醋汁的田園沙律、香甜烤番茄、蛋味濃香的抄滑蛋、加上黑椒抄過的雜菇、粟米、茄汁豆，仲有兩塊炸得金黃，非常香脆、入口軟綿的香脆薯餅 呢度的大大份全日早餐，跟有香脆可口多士，一杯橙汁，只係＄128，都幾扺食