木衛二鑄茶所 (南豐紗廠) (已結業)

今日同女朋友第一次去荃灣嘅南豐紗廠，行咗成日見到好多超得意嘅狗狗XD點知，去到食飯時間，間間餐廳都排晒長龍，見到呢間野啲飲品好似幾特別咁，係店員嘅殷勤招呼，決定即管一試。我哋就係揀咗上圖中間嗰杯奶霜法芙娜，即以VALRHONA 名廠朱古力製作嘅特飲，入口有非常濃郁嘅朱古力味加上恰到好處嘅茶味，可以話係天作之合。雖然呢杯野價格唔算平，但無論係外表定係味道都係獨一無二，我哋一致認為物有所值。希望將來有機會再試吓佢嘅其他飲品選擇。