堅離地冰室

营业中

休息中

是晚係高先睇完戲到食飯時間，上黎搵下有咩食，搵到依間好評都幾多喎就黎試下。入到黎空間闊落，姐姐仲好有禮貌好好服務咁問我食咩，叫左個扒餐現薯菜，塊扒大過我手掌（我手掌已經偏大真係好誇張）然後佢既薯蓉原來入面係有實既薯仔（好似薯pie咁）所以口感好好！唔係平時一Pat好粉又好濟果隻個湯我就加左錢轉酥皮，賣相靚仔湯都ok既（可以辣少少就perfect) 飲完湯個姐姐仲會問我好唔好飲，我覺得係關心顧客既feedback先會問。埋單加埋一百6蚊算係咁，今時今日小店好難做落去，所以平時點懶唔寫食評都要幫幫手。