好好上海小館 (已結業)

今日瞓醒有啲肚餓 ， 約咗朋友下午茶又未夠鐘， 於是一個人出咗去佐敦搵嘢食。 擔擔麵係我其中一個favourite， 經過見到呢間舖頭 ，人哋食緊嘅擔擔麵都幾好樣 ，我就入去試下啦。睇下餐牌 ，都幾平喎， 35蚊有個麵，仲包埋杯豆漿 ，我食豪啲， 加埋塊豬扒， 都係44蚊咋 真係好抵。講番碗擔擔麵， 幾好食喎， 個湯幾濃， 碗底仲有蝦米榨菜碎， 辣度適中。 麵係幼身嘅上海麵， 粗幼軟硬度適中。塊豬扒都幾好食， 味道適中 ，軟熟， 幾juicy。杯豆漿都ok ，有新鮮嘅豆味。