哦吧OPPA & POCHA

营业中

休息中

韓牛牛肉眼$450韓牛同其他牛肉喺味道上會有唔一樣，燒完之後牛肉嘅味道會比其他品種突出，會有甜味同油脂香。肉眼部位非常嫩滑，口感好好。餐廳好似帶咗你去韓國咁樣會有專人幫你燒啲肉，然後切好放喺呢個碗度。老闆娘燒得好好牛肉微焦嘅外層金黃色咁樣好吸引。老闆娘仲推介要包埋生菜咁樣食。其中包嘅時候一定要加埋老闆娘特別推介嘅麵豉醬，少少辣，但係加埋肉嘅油脂食得好過癮。韓豚調味豚排骨$220 大大塊豬扒，仲有餐廳特製調味料，醃料非常之入味。鹹鹹地咁樣仲特別加咗一層蜜糖所以食落去唔會只係得鹹味仲會帶有微微嘅甜味。嫩豆腐鍋熱辣辣黎一煲豆腐煲好暖身。煮高湯做湯底唔會太辣，而且一啖又一啖咁樣飲成個身暖晒。裏面有翠玉瓜片、洋蔥絲同埋唔同種類嘅菇類。一定要好似湯飯咁樣食，非常之送飯。