狎鷗亭居酒屋

营业中

休息中

朋友話尖沙咀酒吧街有間樓上鋪係食正宗韓國菜，所以今日黎試吓，其實都唔難搵，望上去都會見到佢地嘅招牌。未上菜前，店員先攞咗6小碟前菜比我地，店員話自家制，食落又幾好味，仲有我最愛嘅銀魚仔，每款前菜都好好味。辣牛什湯韓國牛什湯都係第一次試，估唔到都幾好味，個湯辣辣地，飲落完全冇牛騷味，都幾濃郁，入面有牛肚，牛腸等湯料，煲到幾淋幾入味，幾好飲。辣雞肉芝士鍋芝士控必定試，鐵板側邊有大量芝士，芝士都有2款，煮到芝士溶之後，店員就撈d芝士落辣雞果度，夾起可以拉到好長嘅拉絲，辣雞唔算太辣，雞肉都幾嫩滑，好啱香港人口味，鍋入面仲有好多煙煙韌韌嘅年糕，鍋邊仲有幾粒爆漿芝士魚旦，一口咬落去d芝士湧嘅出黎，勁正。柚子檸檬麗塔有汽檸檬汁加埋柚子沙冰，飲落酸酸甜甜勁開胃。西柚麗塔蘋果酒加埋西柚沙冰，又幾match,甜甜地好易入口。