影片
更多
2022-10-17
134 浏览
今日天氣咁好，最啱就係去海邊睇日落，聽講馬灣有個地方日落係超級靚，於是我哋今日就搭咗入去馬灣，村屋後面有個魚排，嗰度嘅日落真係世界級！非常寧靜，睇完日落之後我哋就喺附近搵間餐廳食晚飯，見到呢度有間好有異國風情嘅土耳其餐廳，叫做我愛伊斯坦堡，成件事真係好土耳其！即刻去試吓。呢間餐廳嘅裝飾好有心思，喺出邊見到佢晚上開咗啲好特別顏色嘅燈，非常搶眼，仲有好多好Ottoman風格嘅裝飾，店嘅出邊仲整咗啲波波燈，非常有feel。入到去見到餐廳嘅裝修到好似去咗外國咁，好多可以打卡嘅位，好多好靚嘅土耳其燈，角落頭仲有一盤沙，可以親身喺度試吓整熱沙咖啡，成件事又有得食又有得玩。不過因為今日玩咗成日都好肚餓，首先我哋叫咗嘢食先， Menu有好多頁，見到好多好有土耳其色彩嘅食物，特別係羊肉餃子，呢啲真係以前去土耳其嘅時候都有食！估唔到喺香港都有得食！即刻叫嚟食。呢碟餃子賣相真係好似我喺土耳其食嘢，都係細細粒，我好鍾意呢一種size嘅餃子，令我聯想起意大利嗰啲意大利雲吞，佢有啲乳酪同埋有啲好惹味嘅醬，撈起來非常開胃，好好味。另外我哋仲叫咗佢嘅招牌烤雞，成個賣相非常吸引，你會見到佢嘅烤雞真係非常香同埋烤到金黃色
呢間餐廳嘅裝飾好有心思，喺出邊見到佢晚上開咗啲好特別顏色嘅燈，非常搶眼，仲有好多好Ottoman風格嘅裝飾，店嘅出邊仲整咗啲波波燈，非常有feel。
入到去見到餐廳嘅裝修到好似去咗外國咁，好多可以打卡嘅位，好多好靚嘅土耳其燈，角落頭仲有一盤沙，可以親身喺度試吓整熱沙咖啡，成件事又有得食又有得玩。
不過因為今日玩咗成日都好肚餓，首先我哋叫咗嘢食先， Menu有好多頁，
見到好多好有土耳其色彩嘅食物，特別係羊肉餃子，呢啲真係以前去土耳其嘅時候都有食！估唔到喺香港都有得食！即刻叫嚟食。
呢碟餃子賣相真係好似我喺土耳其食嘢，都係細細粒，我好鍾意呢一種size嘅餃子，令我聯想起意大利嗰啲意大利雲吞，佢有啲乳酪同埋有啲好惹味嘅醬，撈起來非常開胃，好好味。
另外我哋仲叫咗佢嘅招牌烤雞，
成個賣相非常吸引，你會見到佢嘅烤雞真係非常香同埋烤到金黃色，肉質好嫩，啲皮脆脆地，而且都好易切啲肉出嚟，成件事唔會好論盡，好味！
我哋不得不讚吓佢旁邊嘅沙律，橙色呢個我都唔係好肯定咩嚟，但係覺得佢個味道好特別，有少少蒜香味，食到好上癮，非常好味，好開胃。
另外佢其他沙律菜嘅份量都好足料，滿意！
嘢飲方面，叫咗個玫瑰花茶，好香花香，有啲甜甜地好似蜜糖嘅味，好味。
最後我哋叫咗個果仁甜品，呢個又係喺香港其他地方好難搵，佢嘅甜品外面嘅pastry有啲脆脆地，口感好特別，甜甜地，加埋入邊啲果仁，食起嚟好香，口感脆脆地又唔會太熱氣，好好味。我平時唔係真係好鍾意食果仁，但係呢一個我都好輕鬆可以食晒，而且覺得好味。
之後就進入咖啡環節。
店主好用心咁樣去帶領我哋去玩呢個熱沙咖啡，過程睇落簡單，但係感覺都幾需要技巧，不過新手嚟講覺得都幾易上手之餘又好過癮，絕對唔會有挫敗感，整完杯咖啡好飲仲有成功感tim！
其實我本身唔飲咖啡，不過呢杯熱沙咖啡，唔知係咪啲咖啡粉整得特別好味，我呢個唔飲咖啡嘅人竟然都忍唔住飲咗我朋友杯咖啡幾啖！好香濃，重點係佢香濃得來一啲都唔覺得苦澀，完全唔需要加奶，都已經做到呢一個效果，好易入口，推薦平時唔飲咖啡嘅人都要試吓！
好似去咗晚外國嘅感覺！滿足的晚餐。
张贴
