影片
更多
2017-07-23
119 浏览
去到尖沙咀就試吓有間上樓嘅「樂園」HappyLand Cafe，原來餐廳為慶祝五周年，呢一個套餐食物由「廚師發板」，而且賣相都幾吸引，所以入去試吓先。入到去環境有我最鍾意嘅花花為主題，而且門口有個好可愛嘅壁報板設計，以彩虹為主，望落去已經感受到歡樂開心嘅氣氛，最特別嘅係入面有兩隻貓貓自由活動中，仲可以比客人摸下佢，影吓相添，好可愛啊，愛貓一族必到地方。除此之外，枱上面有一樽糖，等緊食物期間我哋攞咗一粒嚟食，可以開下胃，而且老少咸宜。「廚師發板」嘅食物包括九款不同種類嘅特色美食，分別有「煎帶子刺身」、「煎大虎蝦」、「鵝肝多士」、「煮布冧」、「煮榮螺（凍食）」、「安格斯牛柳粒」、「蟹棒」、「雜菜沙律」同埋「煙三文魚」，全部都係以人頭份量上，仲有三款醬汁比客人點嚟食。我最鍾意佢嘅「鵝肝多士」同埋「牛柳粒」，「鵝肝多士」煎到好香脆，而且唔油膩，一啖已經食哂，好正！另外就係「香煎牛柳粒」，牛柳粒肉質好鬆軟，而且好「林」，咬落去滿口新鮮牛肉味道，份量都算多，都有10粒以上。之後我哋跟餐加左＄45要咗杯「我愛金沙」招牌飲品，飲品嘅沙冰疊到非常高，足料夠份量，飲落去有好濃郁嘅朱古力味道，就算啲衫冰融咗
入到去環境有我最鍾意嘅花花為主題，而且門口有個好可愛嘅壁報板設計，以彩虹為主，望落去已經感受到歡樂開心嘅氣氛，最特別嘅係入面有兩隻貓貓自由活動中，仲可以比客人摸下佢，影吓相添，好可愛啊，愛貓一族必到地方。除此之外，枱上面有一樽糖，等緊食物期間我哋攞咗一粒嚟食，可以開下胃，而且老少咸宜。
「廚師發板」嘅食物包括九款不同種類嘅特色美食，分別有「煎帶子刺身」、「煎大虎蝦」、「鵝肝多士」、「煮布冧」、「煮榮螺（凍食）」、「安格斯牛柳粒」、「蟹棒」、「雜菜沙律」同埋「煙三文魚」，全部都係以人頭份量上，仲有三款醬汁比客人點嚟食。我最鍾意佢嘅「鵝肝多士」同埋「牛柳粒」，「鵝肝多士」煎到好香脆，而且唔油膩，一啖已經食哂，好正！另外就係「香煎牛柳粒」，牛柳粒肉質好鬆軟，而且好「林」，咬落去滿口新鮮牛肉味道，份量都算多，都有10粒以上。
之後我哋跟餐加左＄45要咗杯「我愛金沙」招牌飲品，飲品嘅沙冰疊到非常高，足料夠份量，飲落去有好濃郁嘅朱古力味道，就算啲衫冰融咗都照舊濃郁，果然足料，必飲之選！
我朋友就叫咗「紅綠茶系列嘅芒果味道」，芒果味道一樣濃郁，入面仲有一粒粒芒果肉。
另外我哋叫咗個「明太子泡菜釀雞翼」，雞翼有四隻，而且脹卜卜的，聞落去已經好香，雞翼連埋雞翼尖，外皮煎到好香脆，咬落去啖啖肉，而且入面有泡菜同埋豬肉，唔算太辣。
食完呢個仲未夠喉，叫叫咗個「芝士焗有機大傘菇」，餐牌上更列明是「多汁必食推介」，平時我都唔係太鍾意食蘑菇，但係呢個蘑菇好特別，除咗好大件之外，蘑菇上面仲有芝士香草醬，唔算太「流」，好食。
最後叫咗「烤焗西班牙黑毛豬肋骨配薯角」，黑毛豬好大塊好厚身，賣相非常吸引，切落去都好容易切，而且食落去肉質鮮嫩爽口，半肥瘦的感覺，正！
最後埋單兩個人都係＄800，就可以食到咁高質素嘅食物，下次會再幫襯。张贴
