漁屋日本料理 (海寶花園) (已結業)

上星期約了大埔食放題，之前已經食左一次，今次再去食。今次去送左每人一個鮑魚，非常爽口，有少少檸檬汁，令到鮑魚更加好食。漁屋嘅魚生好新鮮，又多選擇食，特別鐘意食呢間嘅三文魚，好厚好正。呢間嘅飲品都有好多特製，其他放題店未見過嘅。漁屋嘅火炙壽司非常多選擇，個味道都好正。小食特別推介蒲燒饅魚，好厚好大塊，好抵食。另外魚干都係好值得一試嘅，點埋蛋黃醬食仲好。呢間放題嘅員工非常有禮貌，服務態度非常好，下次會再去。