獅烤 (已結業)

元朗都有生酮餐廳😇小店非常出色，超推介煙肉椰菜花飯✨✨✨燒和牛煎蛋配煙肉椰菜花飯和牛份量好多，每片都大大片，只係加咗少量鹽調味，牛肉味道已經好出。蛋煎得靚，呈半生熟狀態，同牛肉混和後好好味✨✨✨最值得推薦就係椰菜花飯😛小妹曾經都有自己整過，超級低卡路里好吸引!!! 鰻魚定食屋企人話超好食！ 鰻魚大大條，醬汁唔會太多，食落去味道剛好，唔會太濃味。每個餐都配有餐湯，整體感覺都真係好好👍🏻兩個餐全部清晒🙈燒白鱔、燒三文魚腩燒白鱔肉質厚，所以咬落去好有口感，外層微焦。餐廳仲俾咗少少辣汁，感覺佢哋嘅辣汁應該都係生酮，醬汁冇咩甜味，辣味十足，非常之符合生酮！三文魚腩加咗少量香草去烤，淡淡煙燻香草味滲出來，因為係魚膜腩位所以比較肥美，油脂味香加上皮脆，好好食。